Azərbaycan Respublikasının Prezidentinin 2016-cı il 02 avqust tarixli Sərəncamına əsasən 62 min nəfər əhalinin yaşadığı, 3 yaşayış məntəqəsini birləşdirən Bakı şəhəri, Suraxanı rayonu, Zığ-Əmircan-Yeni Suraxanı avtomobil yolunun tikintisi “Azəravtoyol” ASC-yə həvalə edilmiş və bu məqsədlə Azərbaycan Respublikasının 2016-cı il dövlət büdcəsində “Avtomobil Yolları” Məqsədli Büdcə Fondunda nəzərdə tutulmuş vəsaitdən 3,0 milyon manat vəsait ayrılmışdır.
Yenidən qurulan yol sözügedən yaşayış məntəqələrinin əhalisinin gediş-gəlişini rahatlaşdırmaqla yük və sərnişin daşımasının yaxşılaşmasına imkan vermişdir.
YOLUN TEXNİKİ GÖSTƏRİCİLƏRİ
Yolun uzunluğu- 5,0 km ;
Yolun ümumi eni – 9,0-10,0 m;
Yolun hərəkət hissəsinin eni -7,5-8,5 m;
Hərəkət zolaqlarının sayı – 2 ədəd;
Səkilərin eni -2x1,5 m.
YERİNƏ YETİRİLƏN İŞ HƏCMLƏRİ
- Qırmadaş materialı ilə qazılmış ərazinin doldurulması - 18,9 min m3;
- Optimal qum-qırmadaş qarışığından əsasın tikilməsi – 7,2 min m3;
- Müxtəlif diametrdə boru xətləri quraşdırılmışdır - 470 p/m
- Beton səki daşı düzülmüşdür - 6,0 min m;
- 2 laydan ibarət 12 sm qalınlığında (7+5) asfalt-beton örtük tikilmişdir – 73,0 min m2;
- Yolun tikintisində asfalt-beton qarışığı istifadə edilmişdir – 15,1 min ton;
- Yeni səkilər tikilmişdir - 9,0 min m2;
- Ağ və sarı üfüqi nişanlama xətt çəkilmişdir - 2,7 min m2;
- Yol nişanları və məlumatverici lövhələr quraşdırılmışdır - 57 ədəd
- Avtobus dayanacaqlarında “Cib” tikilmişdir - 9 yerdə
Asfalt-beton örtüyünün aşınma layının tikintisində istifadə olunan bituma xüsusi adgeziya qatqısı əlavə olunub. Sözügedən maddə səth sularının asfalt-beton örtüyə daxil olmasının qarşısını almaqla asfalt örtüyünün keyfiyyətini yaxşılaşdırır və uzun ömürlülüyünü artırır.
Bakı şəhəri, Suraxanı rayonu, Zığ-Əmircan-Yeni Suraxanı avtomobil yolunun 5 km-lik hissəsinin yenidən qurulmasını “Azəravtoyol” ASC-nin “Bakı 1 №-li Yol İstismarı” MMC-nin kollektivi yerinə yetirmişdir.
