Dünən axşam saatlarında Qubaya yağan aramsız yağışlar nəticəsində Quba-Xınalıq yolunun 29-cu kilometrliyində Qudyalçay üzərində yerləşən körpü qəzalı vəziyyətə düşüb, körpünün istinad divarları zədələnib. Hadisə nəticəsində yolda gediş-gəliş dayanıb.
Dünən axşam saatlarından etibarən fəsadların aradan qaldırılması üçün “Azəravtoyol” ASC-nin ağır texnikası və canlı qüvvəsi əraziyə cəlb olunub.
Qeyd edək ki, körpünün uzunluğu 9 metr, eni isə 6 metrdir.
Həmçinin, Quba-Xınalıq yolunun 36 kilometrliyində Qudyalçayda suyun səviyyəsinin qalxması nəticəsində yol yuyularaq yararsız vəziyyətə düşüb.
