Azərbaycan Hökuməti ilə Avropa Yenidənqurma və İnkişaf Bankı arasında 15 dekabr 2011-ci il tarixdə regional yolların yenidən qurulması layihələri üçün Kredit Sazişi imzalanmış və Nazirlər Kabinetinin 28 dekabr 2011-ci il tarixli 436 s saylı Sərəncamı ilə təsdiq edilmişdir. Saziş çərçivəsində “Mingəçevir-Bəhramtəpə avtomobil yolunun (R18) Aran-Qarağacı hissəsinin bərpası, Lot 3 (km 0+000-km 26+000)” layihəsinin maliyyələşdirilməsi də nəzərdə tutulmuşdur.
Layihə üzrə tikinti-quraşdırma işləri tam şəkildə başa çatdırılmışdır.
YOLUN TEXNİKİ GÖSTƏRİCİLƏRİ:
Yolun uzunluğu - 26,0 km ;
Yolun texniki dərəcəsi - III dərəcə
Yolun eni - 12,0 m;
Yolun hərəkət hissəsinin eni - 2 x 3,50 m;
Hərəkət zolaqlarının sayı - 2 ədəd.
Çiyinlərin eni – 2x2.50m (2x2.0 m ikiqat bituma hopdurulmuş qırmadaş)
Körpülər haqqında:
Körpü - H1 (Incəçay körpüsü) - km 9+278 (L-25m)
Körpü - H2 (Yol Qovşağı) - km 1+780 (L-50,0m)
Borular - 53 ədəd (47 dairəvi və 6 düzbucaqlı)
Yeraltı keçid - 5 ədəd
YOL GEYİMİNİN KONSTRUKSİYASI:
Aşınma layı - 5 sm;
Əlaqələndirici lay - 8 sm;
Bitum əsaslı lay - 14 sm;
Əsasın qırmadaş layı - 15 sm;
Əsasın alt layı - 20 sm.
LAHİYƏ ÜZRƏ İŞ HƏCMLƏRİ:
Torpaq işləri - 937.90 min m3
Dənəvər tərkibli əsasın alt layı - 119.57 min m3
Qırmadaşlı əsas lay - 58.98 min m3
Bitumlu əsas - 35.02 min m3
Əlaqələndirici a/b layı - 20.75 min m3
Aşınma layı - 13.08 min m3
Qeyd edək ki, Mingəçevir-Bəhramtəpə avtomobil yolunun 26 km-lik Aran-Qarağacı hissəsinin tikintisi yol boyu yerləşən Yevlax rayonunun 12 yaşayış məntəqəsinin 22 minə yaxın əhalisinin rahat gediş-gəlişini təmin edəcək, yük və sərnişin daşımasını asanlaşdıracaq, onların yetişdirdikləri kənd təsərrüfatı məhsullarını bazarlara rahat və tez bir zamanda daşımasına şərait yaratmaqla kənd təsərrüfatının inkişafına səbəb olacaq.
Bundan başqa, Mingəçevir-Bəhramtəpə avtomobil yolu respublikada regionlar arasında (Yevlax, Bərdə, Beyləqan inzibati rayonları) iqtisadi əlaqələrin inkişaf etdirilməsi, turizmin və regionların sosial-iqtisadi inkişafı, nəqliyyat xərclərinin azaldılması və s. xüsusiyyətləri ilə yanaşı, “Şərq - Qərb” və “Şimal – Cənub” nəqliyyat dəhlizlərini əlaqələndirən bir yol olmaqla tranzit xidmətlərinin səmərəliliyinin artırılmasında mühüm rol oynayacaqdır.
