Azərbaycan Respublikası Prezidentinin 2014-cü il 11 iyun tarixli Sərəncamına uyğun olaraq 5 min nəfər əhalinin yaşadığı 5 yaşayış məntəqəsini birləşdirən, ümumi uzunluğu 30,2 km olan Salyan rayonunun Çuxanlı-Gəncəli-Piratman-ParçaXələc-Seyidan avtomobil yolunun tikintisinə başlanılmış və bu məqsədlə Salyan rayon İcra Hakimiyyətinə 3,0 milyon manat vəsait ayrılmışdır.
Möhtərəm cənab Prezidentin növbəti- 2016-cı il 26 avqust tarixli 2286 nömrəli Sərəncamına uyğun olaraq Salyan rayonunun Çuxanlı-Gəncəli-Piratman-Parça Xələc-Seyidan avtomobil yolunun tikintisinin başa çatdırılması “Azəravtoyol” Açıq Səhmdar Cəmiyyətinə həvalə edilmişdir.
Avtomobil yolunun əsas göstəriciləri
Yolun uzunluğu - 30,2 km
Yolun texniki dərəcəsi - IV
Hərəkət hissəsinin eni - 6,0 m
Hərəkət zolaqlarının sayı - 2 ədəd
Hərəkət zolağının eni - 3,0 m
Çiyinin eni - 2 x 2,0 m
Torpaq yatağının eni - 10,0 m
Yolun konstruksiyası:
- Əsasın alt layı, karxana qum-çınqıl qarışığı, qalınlığı - 22 sm;
- Əsasın üst layı, optimal qum-qırmadaş qarışığı, qalınlığı - 15 sm;
- Asfalt-beton örtük 2 laydan ibarət (4+4 sm) qalınlığı - 8 sm;
Aşağıda göstərilən işlər yerinə yetirilmişdir:
Torpaq işləri - 119,1 min m3
Yolun əsasının və çiyinlərin tikintisinə ümumilikdə çınqıl və qum-qırmadaş qarışığının sərfi- 139,8 minm3;
Müxtəlif diametrli su ötürücü borular tikilmişdir - 45 ədəd;
2 laydan ibarət asfalt-beton örtüyün tikintisinə asfalt-beton qarışığı sərf edilmişdir - 40,1 min ton
Müxtəlif yol nişanları və göstərici lövhələr quraşdırılmışdır - 158 ədəd;
Bütöv və qırıq-qırıq olmaqla sarı və ağ rəngdə xətlər çəkilmişdir - 70,0 km.
Bu yolun tikilməsi 5 min nəfər əhalinin yaşadığı 5 yaşayış məntəqəsini birləşdirərək yük və sərnişin daşımasını xeyli yaxşılaşdırmağa imkan verəcəkdir.
Salyan rayonunun Çuxanlı-Gəncəli-Piratman-Parça Xələc-Seyidan avtomobil yolunun tikintisinin başa çatdırılması işləri “Azəravtoyol” Açıq Səhmdar Cəmiyyətinin “8 №-li Xüsusi Təyinatlı Yol İstismarı” MMC tərəfindən yerinə yetirilmişdir